அவர்களும் அங்கு உண்டா

 "நடந்து கொண்டிருக்கும் உக்ரைன் ரஷ்யா யுத்தம் தொடர்பாக எனது அவதானிப்பு இது. யுத்த களத்தில் உக்ரைன் படைகளால் கையாளும் சில தந்திரோபாய நடவடிக்கைகள் பல விடயங்களை வாழ்வியல் நினைவூட்டல்களுடன் ஆய்வுக்குட்படுத்துகின்றன. அவற்றில் ஒரு சில...!

1. முதலில் ரஷ்ய படைகளை உக்ரைன் எல்லைக்குள் வரவிட்டு அகலக்கால் வைக்க அனுமதித்த பின்பு உக்ரைனிய படைகளால் தாக்குதல்களை ஆரம்பித்தமை. (offensive/defensive)

2. 'ஏழு' மாதங்களாக ரஷ்யாவினால் யுத்தத்தின் மூலம் கைப்பற்றபட்ட தனது நிலத்தின் பகுதிகளை ஓயாத அலை தொடர் தாக்குதல் மூலமாக '5' நாட்களில் முழுமையாக உக்ரைன் படைகளால் மீட்டெடுக்கப்பட்டமை (Kharkiv)

3. 'லைமன்' நகரை ஒரே இரவில் பெட்டி அடித்து உக்ரைன் படைகளால் கைப்பற்றியமை.

4. வெடிமருந்துகள் நிரப்பப்பட்ட படகுகள் மூலம் உக்ரைனால் பெரும் இலக்குகள் தகர்க்கப்டுகின்றமை. 

5. உக்ரைனின் தற்கொலை தாக்குதல் விமானங்கள் UAV மற்றும் தற்கொலை தாக்குதல் படகுகள் மூலம் நேற்றிரவு நடைபெற்ற கடற்சமர். ரஷ்யா கடற்பரப்பு மற்றும் துறைமுகத்துக்குள் நடந்தது. பெரும் இலக்குகளை சிறிய வளங்களை கொண்டு அழிக்கின்ற உக்ரைனின் படைப்பிரிவுகளால் எதிர்தரப்புக்கு பாரிய பேரிழப்புக்களை ஏற்படுத்தியமை

6. வெடிமருந்துகளால் நிரப்பப்பட்ட லொறிகளால் பாலங்கள் தகர்க்கப்படுகின்றமை (Crimean Bridge).. கேந்திர நிலையங்கள் இலக்கு வைக்கப்படுகின்றமை.

7. முழுமையாக முற்றுகையை ஏற்படுத்தி தாக்குதலை செய்தாலும் ஒரு பாதையை ரஷய இராணுவத்தினர் பாதுகாப்பாக தப்பி ஓடும் கடவையை ஏற்படுத்தியமை.

(ஆயுதங்களை முழுமையாக கைப்பற்றும் உத்தி. மற்றும் தப்ப முடியாத நிலையில் போராடும் மனோ நிலையை சிதைக்கும் முயற்சி) இவை உக்ரைனிய படைகளால் சிறப்பாக கையாளப்படுகின்றன.

8. உக்ரைன் தனது படைப்பிரிவுகளை சிறு குழுக்காக பிரித்து சிறிது சிறிதாக இணைக்கபட்ட கரந்தடி தாக்குதல் மூலம் மரபுவழி ரஷ்ய படைகளை நிலைகுலையச்செய்கின்றமை. மீள் கைப்பற்றலின் பின்பு கரந்தடி குழுக்கள் எல்லையில் மரபுவழி இராணுவ இணைப்பாக செயற்படுக்கின்றமை. (இதனால் எதிர்தரப்பின் ஏவுகணை தாக்குதலால் ஏற்படும் இழப்புக்கள் ஏவுகணையின் பெறுமதியை விட மிகக்குறைவு)

9. உக்ரைனில் சிறப்பாக கட்டமைக்கப்பட்ட பின்தள விநியோகம். பொதுமக்கள் மற்றும் விவசாயிகளின் அதீத பங்களிப்பு 

10. பேரிழப்புக்கு பின்பு தற்போது ரஷ்யாவினால் பயன்படுத்தப்படும் ஈரானின் அதிக எண்ணிக்கையிலான தற்கொலை தாக்குதல் ஆளில்லா விமானங்கள் Shahed 129 (UAV). ( ----அவர்கள் எவ்வாறு தற்கொலை தாக்குதல் படகுகள் மற்றும் தற்கொலை விமான உத்தியை அறிந்து கொண்டார்கள் என்பதை உங்கள் ஊகத்தில் விட்டு விடுகின்றேன்.) 

...இவ்வாறு பெரும் பொருட்செலவுகளுடனும் மனித பேரிழப்புகளுடன் தொடர்ந்து கொண்டிருக்கும் இந்த யுத்தம் இனி அடுத்த பேரழிவை நோக்கி நகரப்போகின்றது. ஆகவே யுத்தம் கற்போம்!

"If we don't end war, war will end us. ..." 

அ. எல்றோய்

2022 #ukrainwar முற்றிலும் மேற்கத்திய போர் முறையில் இருந்து மாற்றிடான சமர் இது.  ஆனால் ஏற்கனவே சிலருக்கு பரிச்சயமானது. கரந்தடி முறைமைகள் பல சந்தேகங்களை எனக்குள் விதைக்கின்றன. இது மேற்குலகை புதிய யுத்த ஒழுக்கு முறையில் அழைத்துச் செல்கின்றது. நீங்களும் இதில் தேடல் உள்ளவர்களாய் இருப்பின்...

தொடரும்...

#ukrainwar #RussiaUkrainConflict 

#stopwar #gameofwar #ArtOfWar